2011-01-21

Хайрын шүлгүүд


"Залуус Эрүүл Мэнд Төв" ТББ аас "Гэгээн хайр"-ын баярт зориулсан "Хайрын шүлэг"-ийн уралдаанд шалгарсан бүтээлийг нийтлэж байна......



1-р байранд З.Жанрай "ЗЭМТ" ТББ ҮТС




Сүүдэрт ургасан цэцэг


Үйлийн үрээр учирсан үнэнээс үнэн хувь тавьлан минь.

Үйтэн хуар шиг орчлонд үгээр илэрхийлэмгүй хайр минь. Төөрч будилсан хүний хорвоод харгуй нийлсэн заяа минь. Тэвэрт чинь эрхэлсэн цэцэгхэн би түнэр харанхуйд дэлбээлсэн сарнай чи.Чи миний хайрын тэнгэрт татсан сондгой дурлалын солонго. Чи миний хайрын цэцэрлэгийн сүүдэрт ургасан вансэмбэрүү.Чи чимээгүйхэн ирсэн баяр,гунигийн гэгээн аялгуу. Чи чилээсэн он жилүүдийг сүлсэн хайрын минь ханхүү.Сүүдэрт ургасан цэцэгхэн минь. Сүүдэргүй зүүдний наран минь.Хүний хүрвоод хавчигдсан миний амьдрал. Хэн бүхэнд таалагдах албагүй миний гэгээн хайр.Нийт олон нийт болон хос залуусдаа гэгээн валентины баярын гал халуун мэнд



2-р байранд



Тунирхал
Зүүдэнд минь чи битгий ирЗvгээр намайг зөнгөөр минь орхи


Эрх чөлөө мэт цалгилах гуниг гомдлынхоо нууранд


Энгэр норгож унах нулмисандаа жимүүлье


Салхи эсгэрч шороо босгосон зэврүүн өдөр байна


Санаа алдаж сэтгэл гэгэлзэж гуHиг төрж байнa


СэMхэн харахад зүрх догдлуулсан хайр ч юмуу


Сэвтээж гундаавал эргэж олдохгүй дурлал ч юмуу


Гомдол залгидсан нулмисаа дотогш залгин


Гол зурсан үгийг чинь сонсоогүй гэж бодьё


Говьд нар жаргах шиг сэтгэл уналаа


Гойд юмгүй орчлонгоос хэнийгээ хайх билээ


Дэгүйтэж явлаа ч чамаас би эмээдэг байсан


Дэргэдүүр чинь өнгөрөх бүрийдээ ичингүйрдэг байсан


Xараxсан гэж эрмэлздэг байсан


Xайрлаж байгаадаа бахархдаг юм шүү






3-р байранд vanity "Хамтдаа төв" ТББ



Нууцхан


Алаг дэлхийд жаргалтай явна гэж амла


Амраг хайртдаа үнэнч байна гэж амла


Аливаа бүхэнд шудрага явна гэж амла


Амьдралын нугачаанд бүдрэхгүй гэж амла






Дэвээд нисдэг шувуу болоосой


Дээрээс чинь харж баясах юмсан


Дэргэдэх сүүдэр чинь болоосой


Дэргэдээс чинь салахгүй дагах юмсан






Хайрласан хүндээ жаргал өгөөрэй


Хүлээсэн хүндээ итгэл өгөөрэй


Уйтгарласан хүнд инээд өгөөрэй


Учирсан бол түүндээ бүхнээ зориулаарай






Нууцхан би нэг л хүнийг хүлээдэг


Нуугдаж би ганцхан хүнийг ширтдэг


Нэрэлхэж би ганцхан л хүнийг хүлээдэг


Нэрийг нь хэлж зүрхлэхгүй ........ түүндээ л би хайртай




Www.gay.mn -Ээс авав

No comments:

Post a Comment